საპატრულო პოლიციის თანამშრომლის გოგა ანჩაბაძის დაჭრაში ბრალდებული კონსტანტინე გულორდავას წინასასამართლო სხდომა დღეს, 25 დეკემბერს ზუგდიდის რაიონულ სასამართლოში გაიმართა. გულორდავას ბრალი 117-ე მუხლით (სხეულის განზრახ მძიედ დაზიანება) აქვს წარდგენილი, რაც 3 დან 5 წლამდე სასჯელს ითვალისწინებს. დღეს გამართულ სხდომაზე გულორდავამ ბრალი კიდევ ერთხელ აღიარა. როგორც ბრალდებულის ადვოკატი ჯიტა გულუა აცხადებს მათ საპროცესო გარიგების მოთხოვნით პროკურატურას უკვე მიმართეს, თუმცა ამ დრომდე პასუხი არ მიუღიათ. სხდომაზე მოსამართლემ მხარეებს გოგა ანჩაბაძის მამის მიერ გამოგზავნილი წერილი წარუდგინა სადაც იგი წერს, რომ შეურაცხყოფილია მისი შვილის საქციელით და გულორდავას პასუხისმგებლობისგან გათავისუფლებას ითხოვს. საქმის არსებითი განხილვა მოსამართლემ 2014 წლის 8 იანვარს დანიშნა. ცნობისთვის ზუგდიდში მოქალაქე კონსტანტინე გულორდავამ საპატრულო პოლიციის თანამშრომელს, გოგა ანჩაბაძეს ცემა, ყური მოაჭრა, საპატრულო პოლიციის ფორმა გახადა და ზუგდიდში ყოფილი პოლიტექნიკური კოლეჯის ეზოში დატოვა. გავრცელებული ინფორმაციით გულორდავამ ანჩაბაის მიერ მისი ცოლის გაუპატიურების მცდელობის გამო იძია შური. რაც შეეხება გოგა ანჩაბაძეს მის წინააღმდეგ საქმე გაუპატიურების მუხლით არის აღძრული.