ზუგდიდის მკვიდრი ბრიგიტა შიუაკაშვილი სატელევიზო პროექტ „იმედის გმირებში“ 13 კონკურსანტს შორის ჟიურის რჩეული გახდა. ბრიგიტა შიუკაშვილი დღეს, 25 დეკემბერს, რადიო "ათინათს" სტუმრობდა.

შიუკაშვილი პროექტის მონაწილე 1992 წელს აფხაზეთის ომში მონაწილეობის და თანამემამულეთა წინაშე გაწეული ღვაწლის გამო გახდა. ომის დროს ბრიგიტა შიუკაშვილი აფხაზეთში მოხალისე ჟურნალისტად იმყოფებოდა და 11 თვის განმავლობაში დახმარებას უწევდა ქართველ მეომრებს. იგი ეხმარებოდა, როგროც დაჭრილებს ასევე უსახლკაროდ დარჩენილ ხალხს. პარალელურად იგი წერდა ადგილზე არსებული ვითარების შესახებ სტატიებს, რომელიც გაზეთ „აფხაზეთის ხმაში“ იბეჭდებოდა. ბრიგიტა მიიჩნევს, რომ აფხაზეთის ომი წააგეს არა მარტო ქართველებმა, არამედ აფხაზებმაც, მისი განმარტებით, ომი გაცილებით ადრე დაიგეგმა და აფხაზი ხალხი საქართველოს დასაშლელად გამოიყენეს. „მე გაიძულებთ თქვენ გვესროლოთ ჩვენ, ეუბნებოდა არძიმბა ქართველ მოსახლეობას, ხალხი კი ცხვრებივით გამოდიოდა და არ აპროტესტებდა. ჩვენ არ უნდა წამოვგებულიყავით ამ სატყუარაზე. რომ არა სამამულო ომი და შინა არეულობა საქართველოში ეს ომი არ მოხდებოდა“-უთხრა რადიო "ათინათს" ბრიგიტამ.

იგი მიიჩნევს, რომ ქართველ და აფხაზ ხალხს შორის შერიგების შანსი არსებობს და საქართველოს გამთლიანება სწორედ ზუგდიდიდან უნდა დაიწყოს. ბრიგიტა კომენტარს „იმედის გმირებზეც“ აკეთებს და განმარტავს, რომ ამ პროექტში მონაწილეობის მიღებას ნანობს, რადგან მიიჩნევს, რომ არ შეიძლება ადამიანის თავგანწირვა sms-ებით და თანხით ფასდებოდეს.

„აფხაზეთის ომის მტვეწაყრილი ისტორია გაიცნო საზოგადოებამ, მე ათასჯენ მრცხვენია იმ ბიჭების წინაშე ვინც იმ ომში იბრძოდა, უმრავლესობა არ არის ცოცხალი, მე სწორედ მათი გახსენების მიზნით მივიღე პროექტში მონაწილეობა. ვინაიდან დღესაც შეიძლება ნაომარი ადამიანები გავერთიანდეთ და რადგან სახელმწიფო ნაბიჯს ვერ დგამს ახლოს თვითონ მივიდეთ აფხაზი კაცის გულამდე“-ამბობს იმედის გმირი. აფხაზეთის ომის მონაწილე მიიჩნევს, რომ საქართველოს მოსახლეობის ინტერესი იმ საქმის მიმართ რომელსაც თვითონ ემსახურება ძალიან დაბალია და პატრიოტიზმი არაპოპულარულია. ამიტომ იგი არ გამორიცხავს, რომ მოსახლეობის დაბალი ინტერესი პროექტის ფინალში sms-ებშიც გამოვლინდება. „თუ მიაჩნიათ, რომ აფხაზეთი არ არის მეორე ხარისხოვანი და მოვალენი ვართ არ მივატოვოთ იგიო მაშინ მოვალენი არიან დამიმესიჯონ . თუ ეს უტოპია ჰგონიათ და ზღაპრის გმირად მთვლიან მაშინ არ შეიწუხონ თავი“-განმარტავს ბრიგიტა.  მოქალაქეებს მხარდაჭერის სურვილის შემთხვევაში შეუძლიათ ბრიგიტას sms ნომერზე დაუმესიჯონ – 0903 100101