აფხაზეთის ავტონომიური რეპუბლიკის მთავრობის გასვლითი სხდომა დღეს, 6 იანვარს ზუგდიდში გაიმართა. სხდომას ავტონომიური რესპუბლიკის მთავრობის თავმჯომარის მოვალეობის შემსრულებელი ვახტანგ ყოლბაია და რესპუბლიკის მთავრობის წევრები ესწრებოდნენ. აფაზეთის მთავრობის წარმომაგენლებმა საზოგადოებას 100 დღიანი მუშაობის ანგარიში წარუდგინეს. ვახტანგ ყოლბაიამ თითოეული სამინისტროს მიერ განხორციელებული და დაგეგმილი სამუშაოები მიმოიხილა და დასძინა, რომ მათ საინტერესო წამოწყებები აქვთ, რომლის განხორცილებაშიც საქართველოს სამინისტროები ეხმარებათ. ყოლბაამ ასევე ისაუბრა სოფლის მეურნეობის სფეროზე, მათი ინიციატივით ზუგდიდში სასათბურე მეურნეობა გაშენდება და შეიქმნება სამუშაო ადგილები დევნილი მოსახლეობისთვის. „ზუგდიდში ტერიტორიის შერჩევა მიმდინარეობს. შესაბამისი დავალება ჩვენი მთავრობის წარმომადგენლობას მივეცით. მათ მიწები ადგილობრივი ხელისუფლების წარმომადგენლებთან ერთად უნდა შეარჩიონ“, - განაცხადა ყოლბაიამ. ყოლბაია ჯანდაცვის სფეროსაც შეეხო და აღნიშნა, რომ ზუგდიდში არსებული დევნილთა პოლიკლინიკა დევნილებისთვის მომგებიანია „ჩვენ გავზარდეთ იძულებით გადაადგილებული პირებისთვის უფასო მედიკამენტების რაოდენობა, მათთვის 800 ათასი ლარის წამლებია გათვალსიწინებული“-განაცხადა მან. სხდომაზე ცნობილი გახდა, რომ დენილთა ხელახალი რეგისტრაციის პროცესი სავრაუდოდ იანვრის ბოლოდან განახლდება და მარტამდე გაგრძლდება, რადგან ამ დროისთვის რეგისტრაციის გავლა ყველა დევნილმა ვერ მოახერხა. შეხვედრის დასასრულს აფხაზეთის მთავრობასა და არასამთავრობო ორგანიზაციებთან ურთიერთთანამშრომლობის მემორანდუმი გაფორმდა. რომელის თანახმად არასამთავრობოები მთავრობის მუშაობას გააკონტროლებენ.