საქართველო ინტერნეტის სისწრაფით მსოფლიო ლიდერს, ჰონკ-კონგს ხუთჯერ ჩამოუვარდება
კომპანია "NetIndex"-ის მიხედვით, საქართველოში ინტერნეტის საშუალო სიჩქარე 14.64 Mbps-ია და მსოფლიოს 188 ქვეყანას შორის სისწრაფით 48-ე ადგილი უკავია. შესაბამისი მონაცემები "NetIndex"-მა 2013 წლის 8 დეკემბრიდან 2014 წლის 6 იანვრამდე შეაგროვა და ანალიზი 212,070 უნიკალური IP მისამართის საფუძველზე ჩაატარა.
ინფორმაციის გადმოტვირთვის სისწრაფით პირველ ადგილზე თბილისია (17,8 Mbps), მეორე ადგილზე - რუსთავი (13,66 Mbps), მესამეზე - გორი (6,72 Mbps), ხოლო მეოთხეზე - ქუთაისი (3,47 Mbps).
რაც შეეხება კომპანიებს, სამეულში ლიდერობენ Caucasus Online (22,41 Mbps),,
Geocell (17.81 Mbps), და Delta-net (15.98 Mbps),. შემდეგ ადგილებს ინაწილებენ Caucasus digital network (15.24 Mbps),, CGC (13.71 Mbps), Silknet (12.89 Mbps), Egrisi (7.69 Mbps),, Railway Telecom (2.48 Mbps), Micronet (2.19 Mbps Mbps),. Magticom (2.18 Mbps), და VTEL-Georgia (1.22 Mbps),
ინტერნეტის სისწრაფით კი მსოფლიოში ლიდერები გახდნენ ჰონ-კონგი (69.01 Mbps), სინგაპური (59.13 Mbps) და რუმინეთი (54.96 Mbps).
რაც შეეხება პოსტსაბჭოთა ქვეყნებს, მე-7 ადგილი ლიტვამ დაიკავა, მე-13 - ლატვიამ, მე-15 - მოლდოვამ, 21-ე - ესტონეთმა, 29-ე - რუსეთმა, 33-ე - უკრაინამ, 52-ე - ყაზახეთმა, 57-ე- ტაჯიკეთმა, 63-ე - სომხეთმა, 79-ე - ბელორუსმა, მე-80 - ყირგიზეთმა, 111-ე - აზერბაიჯანმა, 170-ე -უზბეკეთმა (2,46 Mbps).
ინტერნეტის საშუალო სიჩქარე ევროკავშირში 21,84, მსოფლიო კი - 16,31
მასალის გამოყენების პირობები