ზუგდიდის რაიონულ სასამართლოში დღეს, 17 იანვარს ციხის ყოფილი უფროსის ამირან ჯანაშიასა და ციხის თანამშრომლის რომეო როგავას სასამართლო პროცესი გაიმართა. მათ ბრალი ედებათ წამებასა და არდამიანურ მოპყრობაში. დღევანდელ პროცესზე მოწმის სახით რამდენიემე მოწმე დაიკითხა, მათ შორის პატიმრები, ყოფილი პატიმრები და მათი ოჯახის წევრები. ყოფილი პატიმარმა რადიო „ათინათს“ უთხრა, რომ ზუგდიდის ციხეში წამებას, ცემასა და არადამიანურ მოპყრობას ხშირად ჰქონდა ადგილი. მისივე თქმით, ის რომეო როგავამ 2007 წელს რამდენჯერმე სასტიკად სცემა. „ცემის გამო ერთი თირკმელი დამიზიანდა და ამომიღეს, მეორე თირკმელზეც პრობლემა მაქვს. ცხვირის ოპერაციაც დამჭირდა...“, - უთხრა რადიო „ათინათს“ ყოფილმა პატიმარმა. თავის მხრივ ბრალდებულების ადვოკატი იოსებ ჯანაშია აცხადებს, რომ მოწმეები ხშირშემთხვევაში ურთიერთგამომრიცხავ ჩვენებებს იძევიან და ჯერჯერობით, ბრალდებულებისთვის წარდგენილი ბრალის დამამტკიცებელი ნიშნები არ იკვეთება. „სამოხელეო დანაშაულის ნიშნები შეიძლება იკვეთებოდეს და ამ კუთხით იდაოს ბრალდების მხარემ, მაგრამ არა წამებისა და არადამიანური მოპყრობის მუხლით“, - ამბობის ბრალდებულების ადვოკატი იოსებ ჯანაშია. ცნობისთვის, ამირან ჯანაშიას და რომეო როგავას სისხლის სამართლის 144-ე მუხლის ა, ბ გ, ზ ქვეპუნქტებით და 272 -ე მუხლის პირველი ნაწილით ედებათ ბრალი, რაც 6 წლამდე თავისუფლების აღკვეთას ითვალისწიბეს. ზუგდიდის #მე-4 სასჯელაღსრულების დაწებულების ყოფილი დირექტორი ამირან ჯანაშია და რომეო როგავა გირაოს სანაცვლოდ არიან გაათავისუფლებულები.