ზუგდიდის ცენტრალურ ბულვარში უკრაინის მხარდამჭერი აქცია გაიმართა. აქცია არასამთავრობო ორგნიზაცია „რეგიონალური განვითარების ცენტრის" ორგანიზებით გაიმართა. სამეგრელოს ახალგაზრდული ცენტრის ლიდერმა ანი წითლიძემ აღნიშნა, რომ ის რაც უკრაინაში ხდება არა მარტო უკრაინელი ხალხისთვის არამედ მთელ დემოკრატიული ცივილიზაციისათვის არის მნიშვნელოვანი. „ჩვენ სოლიდარობას ვუცხადებთ უკრაინელ ხალხს და ვგმობთ იმ ქმედებბეს, რომელიც განახორციელა იანუკოვიჩის რეჟიმმა, უკრაინაში მიმდინარე მოვლენები პირდაპირ კავშირშია საქართველოს ევროპულ მომავალთან,“- განმარტა რეგიონული განვითარების ცენტრის წარმომადგენელმა გიორგი ქობალიამ. უკრაინაში საპროტესტო გამოსვლები 22 ნოემბერს მას შემდეგ დაიწყო, რაც მთავრობამ ევროკავშირთან ხელშეკრულების გასაფორმებლად მიმდინარე სამუშაოები შეაჩერა და რუსეთთან დიალოგის აღდგენის განკარგულება გასცა.