სენაკის მუნიციპლაიტეტ სოფელ ლეძაძამეში, სადაც რამდენიმე დღეა საპროტესტო აქციები მიმდინარეობს, სამეგრელო-ზემო სვანეთის გუბერნატორს ლევან შონიას ელოდებიან. როგორც რადიო „ათინათს“ ლეძაძემეს მკვიდრმა, მარინა ჯიმშელეიშვილმა უთხრა, მოსახლეობა სოფლის ადმინისტრაციულ შენობის წინ ამ წუთებში იკრიბება. მისივე თქმით, ლეძაძამეს მოსახლეობამ რამდენიემ დღის წინ გუბრნატორთან შეხვედრის სურვილი გამოთქვა და აღნიშნულთან დაკავშირებით, გუბერნიის ადმინისტრაციას განცხადებითაც მიმართეს. „დარწმუნებული ვარ გუბერნატორი ხალხის სასარგებლო გადაწყვეტილებას მიიღებს. ჩვენ მხოლოდ ერთი მოთხოვნა გვაქვს - სოფლის რწმუნებულად ჩვენი თანასოფლელი დაგვინიშნონ“, - ამბობს მარინა ჯიმშელეიშვილი. მანამდე კი, არასამთავრობო ორგანიზაცია „ქალები მშვიდობისთვის“ წარმომადგენელის ინგა ქარდავას ინფორმაციით, სამეგრელო ზემო-სვანეთის გუბერნატორი სენაკის გამგებელსაც შეხვდა. მისიევ განმარტებით, ის სოფელ ლეძაძამეში ჩასვლას თავადაც გეგმავს და გუბერნატორს მოსახლეობასთან ერთად შეხვდება. სენაკის მუნიციპალიტეტ ლეძაძამეს მოსახლეობა უკვე რამდენიმე დღეა სოფლის რწმუნებულად კაპიტონ ტორჩინავას დანიშვნას აპროტესეტებს. აქციის მონაწილეების განმარტებით, ტორჩინავა მეზობელი სოფლიდან არის და ამასთან ის ნასამართლევია. ტორჩინავა კი ირწმუნება,რომ მას ნასამართლეობა გასული წელს აგვისტოში მოუხსნეს და სრული უფლება აქვს იყოს სოფლის რწმუნებული.