საქართველოს ჯანდაცვის სამინისტრო სასწრაფო სამედიცინო დახმარების 220 ავტომობილის შეძენას გეგმავს. ამასთან დაკავშირებით სამინისტრომ ორი ტენდერი გამოაცხადა. კონკურენციისა და სახელმწიფო შესყიდვების სააგენტოს ვებგვერდზე გამოქვეყნებული ინფორმაციის მიხედვით, ჯანდაცვის სამინისტრო სამედიცინო საშუალებებით აღჭურვილ 86 ავტომობილში 4 042 000 ლარის გადახდას აპირებს, 134 ავტომობილი კი მაღალი გამავლობის, ორხიდიანი უნდა იყოს და მათში სამინისტრო 6 164 000 ლარის გადახდას გეგმავს. სასწრაფო სამედიცინო დახმარების ავტომობილები ახალი, 2012-2014 წლებში გამოშვებული უნდა იყოს. სატენდერო წინადადებების მიღება 3 აპრილს დაიწყება და 8 აპრილს დასრულდება.