უსაფრთხო მიგრაციის , საზღვარგარეთ ლეგალური დასაქმებისა და არალეგალურ მიგრაციასათან დაკავშირებულ რისკებზე დღეს, 14 მარტს , ზუგდიდის დემოკრატიული ჩართულობის ცენტრში საინფორმაციო შეხვედრა გაიმართა. როგორც  "მიგრაციის საერთაშორისო ორგანიზაციის, მიგრაციის რესურსცენტრის ორგანიზატორი“, ნათელა მჟავანაძემ მედიასთან საუბარში განმარტა, მათი ორგანიზაციის მთავრი მიზანი პოტენციურ მიგრანტებისთვის სანდო და უახლესი ინფორმაციის მიწოდებაა. მისივე თქმით, არსებობს მაღალი რისკები, როდესაც მიგრაცია არალეგალურია. „ ძალიან ხშირად მოქალაქეები ვერ პასუხობენ იმ მოთხოვნებს რომელსაც ევროპული შრომითი ბაზარი სთავაზობს, ეს შეიძლება იყოს ენის არ ცოდნა, კვალიპიკაციის არ ქონა და ასე შემდეგ, რაც იმედგაცრუებას აჩენს.“ - განმარტავს მჟავანაძე. რადიო „ათინათის“ კითხვაზე თუ რამდენად ხშირია მომართვიანობა შრომითი მიგრანტების მხრიდან, მჟავანაძე პასუხობს, რომ ძალიან ხშირია და აქვე დასძენს რომ მათ ორგანიზაციაში არსებობს ცხელი ხაზი, სადაც მოქალაქეებს ინტერნეტის მეშვეობით შეუძლიათ მიგრაციის წესებზე კონსულტაციების მიღება. ყოფილი მიგრანტი გიორგი გოგიშვილის თქმით მნიშვნელოვანია ინფორმაციის და გამოცდილების გაზიარება პოტენციური მიგრანტებისთის, რათა იცოდნენ თავიანთი უფლებელი სანამ მიგრაციაში მოხვდებიან. შეხვედრა, „მიგრაციის საერთაშორისო ორგანიზაციამ“, ასოციაცია მერკურთან თანამშრომლობით გამართა. პროექტის ფარგლებში მზგავსი შეხვედრები ფიოთში, სენაკში და წალენჯიხაში გაიმართა.