ზუგდიდში, ყოფილი სააფთიაქო სამმართველოს შენობაში ჩასახლებული დევნილები სამშენებლო კომპანია „ბლოკ ჯორჯიას“ მიერ შესრულებულ სარემონტო სამუშაოებზე უკმაყოფილებას გამოთქვამენ. დევნილები ყვებიან, რომ  მათ ახალ გარემონტებულ ბინაში წყალი ჩამოდის, ფანჯრების გაღებისას კედლებიდან ბათქაში ცვივა და  ლამინატი პირდაპირ ქვიშაზეა დაგებული. „ ველოდებით როდის გამოსწორდება მდგომარეობა. პრემიერმა ერთი თვე მისცა კომპანიას ხარვეზების გამოსასწორებლად და ჩვენც ველოდებით. აქამდე წყლის პრობლემა გვქონდა, ახლა ჭაბურღილს გვითხრიან და იმედია გვეშლება რამე“, - ამბობს რადიო „ათინათთან“ საუბარში ოჩამჩირიდან დევნილი ანჟელა ჭანტურია. ფოტოგალერეა არსებული სამშენებლო ხარვეზების გამოსწორებასთან დაკავშირებით რადიო „ათინათი“ სამშენებლო კომპანია „ბლოკ ჯორჯიას“ დირექტორს, ვახტანგ ჯანაშვილს დაუკავშირდა. ჯანაშვილის განმარტებით, მუშათა ბრიგადა ხარვეზების  გამოსასწორებლად უკვე მუშაობს. „აღნიშნული შენობა ძველია და  ჭერის გასწორება შეუძლებელია. შენობას ხომ ვერ დაანგრევ და ვერ ააშენებ ხელახლა?! “ - განაცხადა რადიო „ათინათთან“ საუბარში „ბლოკ ჯორჯიას დირექტორმა.