რუსი სამხედროების მიერ დაკავებული ერთი ქართველი კვლავ გალის ციხეში რჩება
ზუგდიდის რაიონის სოფელ ხურჩაში დაკავებული ორი ქართველიდან აფხაზებმა ერთი გაათავისუფლეს. გუშინ საღამოს აფხაზურმა მხარემ ე.წ. სასამართლო პროცესის შემდეგ გელა თორია გაათავისუფლა. სავარაუდოდ, მან ჯარიმა გადაიხადა. კიდევ ერთი ქართველი, ტარიელ ბერია ამ დრომდე გალის იზოლატორში რჩება.
ტარიელ ბერიას დის, თალიკო ბერიას განცხადებით, მათ ოჯახს საშუალება არა აქვს, ე.წ. ჯარიმა გადაიხადოს, ამიტომ დახმარებისთვის ხელისუფლებას მიმართავს. თალიკო ბერია აცხადებს, რომ თუ ხელისუფლება თანხას არ გამოყოფს, ტარიელ ბერიას გალის ციხეში ყოფნა მოუწევს.
სოფელ ხურჩის ტერიტორიაზე, რუსმა სამხედროებმა, ორი ქართველი ხუთი დღის წინ დააკავეს.
მასალის გამოყენების პირობები