წალენჯიხის გამგეობა და შპს „ენგურჰესი“ მოსახლეობას აფრთხილებს
მაისის თვეში, გაზაფხულ–ზაფხულის წყალდიდობის პერიოდთან დაკავშირებით, დღე-ღამის ნებისმიერ დროს, მოსალოდნელია წყლის ხარჯის გატარება მდინარე ენგურის კალაპოტში. წალენჯიხის ენგურისპირა სოფლების მოსახლეობას ვთხოვთ, გამოიჩინონ სიფრთხილე. ამის შესახებ ინფორმაციას წალენჯიხის მუნიციპალიტეტის გამგეობა ავრცელებს.
„შპს „ენგურჰესის“ საზოგადოებასთან და სახელისუფლებო ორგანოებთნ ურთიერთობის სამსახურის უფროსის ალექსანდრე ახვლედიანის თქმით, უახლოეს ერთ კვირაში ენგურის კალაპოტში დიდი ოდენიბით წყლის გაშვება დაგეგმილი არ არის, თუმცა, იგი მოსახლეობას სიფრთხილისკენ მაინც მოუწოდებს. „განსაკუთრებით მაისის თვეში, ხშირი წვიმების დროს, გვიწევს წყლის გატარება,ამიტომ ენგურისპირა სოფლის მოსახლეობას სიფრთხილისკენ მოუწოდებთ“,- უთხრა რადიო "ათინათს"ალექსანდე ახვლედიანმა.
მასალის გამოყენების პირობები