ზუგდიდის მუნიციპალიტეტის ქონების გაყოფაზე დროებითი სამუშაო ჯგუფი დაკომპლექტდა.ამის შესახებ გადაწყვეტილება ზუგდიდის მუნიციპალიტეტის საკრებულომ,მთავრობის მოთხოვნის საფუძველზე,დღეს მიიღო. ამასთან, დღესვე დასახელდა სამუშაო ჯგუფის თავმჯდომარის და წევრების ვინაობა. სამუშაო ჯგუფის შემადგენლობაში შედიან საკრებულოს წევრები: დავით სხულუხია, რევაზ ხაინდავა, ჯემალ თორდია და ავთანდილ ჩარგაზია. ჯგუფს ბესიკ ფიფია უხელმძღვანელებს. „სამუშაო ჯგუფი მუნიციპალიტეტის ქონებას აღწერს, შეიმუშავებს წინადადებებს და წარუდგენს საკრებულოს, თუ რომელ მუნიციაპლიტეტეს დარჩება ესა თუ ის ქონება. იმედი მაქვს, რომ ქონება სამართლიანად გაიყოფა“, უთხრა რადიო „ათინათს“ ბესიკ ფიფიამ. ქონების აღწერის და გაყოფის პროცედურები, როგორც სხდომაზე განმარტეს, მიმდინარე წლის მაისის თვეში უნდა დასრულდეს. შეგახსენებთ, რომ თვითმმართველობის არჩევნებამდე, ზუგდიდის მუნიციპალიტეტი ორ ნაწილად: თვითმმართველ ქალაქად და ზუგდიდის მუნიციპალიტეტად გაიყოფა.