ზუგდიდში,ევროპის დღესთან დაკავშირებული ღონისძიებები აკ.წერეთლის სახელობის პირველი საჯარო სკოლის ეზოში დილიდან დაიწყო. ზუგდიდის საველო ოფისის ხელმძღვანელმა ვონ ჰორნიმ განაცხადა,რომ ევროპა შუმანის დეკლარაციის 64-ე წლისთავს აღნიშნავს, მისივე თქმით, ამ დღის აღსანიშნავი ღონისძიებები დილიდან დაიწყო და 14 სთ-ზე ვიქტორინით გაგრძელდება. ღონისძიებაში ასევე მოცეკვავეთა და მომღერალთა ჯგუფები ღებულობენ მონაწილეობას. მოგვიანებით კი ტურნირში გამარჯვებული გუნდი გამოვლინდება. ხვალ კი, ზუგდიდის საველე ოფისის წარმომადგენლები სოფელ რუხის საჯარო სკოლას ეწვევიან, სადაც ადმინისტრაციული საზღვრის გასწვრივ მდებარე სამი სოფლის: რუხი, რიყე, და ტყაიას სკოლის მოსწავლეები კულტურულ და სპორტულ ღონისძიებებში მიიღებენ მონაწილეობას. ცნობისთვის, ევროპის დღესთან დაკავშირებით, გორის და მცხეთის საველე ოფისებიც მოაწყობენ ღონისძიებებს თავიანთ სამოქმედო არეალში,განსაკუთრებული ყურადღება ადმინისტრაციული სასაზღვრო ზოლისა და კონფლიქტისპირა ზონის მიმდებარე სოფლებს დაეთმობა.