სოფელ ჭითაწყარის მოსახლეობა წართმეული მიწის დაბრუნებას ითხოვს (ვიდეო)
ზუგდიდის მუნიციპალიტეტის სოფელ ჭითაწყარის მოსახლეობა, რომლებიც ჩამორთმეული მიწის დაბრუნებას ითხოვენ, საარჩევნო ბლოკ „არასაპარლამენტო ოპოზიციის“ წარმომადგენლებს შეხვდნენ.
ადგილობრივების თქმით, 1999 წელს საკუთრებაში გადაცემული მიწები, ყოფილი ხელისუფლების მმართველობის პერიოდში, 2004 წელს, უკანონოდ ჩამოართვეს და იტალიურ კომპანიას „აგრი-ჯორჯიას“ მიჰყიდეს. მათივე განმარტებით, 8 ჰექტარი მიწის ფართობი 13 ოჯახს ჩამოართვეს.
„გვითხრეს, ინვესტორი 2000 ჰექტარ ტერიტორიაზე ნაკლებ ადგილას არ ჩერდებაო და უნდა ჩამოგართვათო. დაგვაშინეს და წაგვართვეს. ვითხოვთ, დაგვიბრუნონ ჩვენი მიწები“, - ამბობს ჯუმბერ ჩაბალუხა.
„არასაპარლამენტო ოპოზიციის“ გამგებლობისა და მაჟორიტარი დეპუტატობის კანდიდატები, ოთარ ჭითანავა და ბეჟან გუნავა დაზარალებულებს დახმარებას დაჰპირდნენ. მათივე განცხადებით, ისინი მოსახლეობასთან ერთად, ბოლომდე იბრძოლებენ სამართლიანობის აღდგენისთვის.
ამასთან, „არასაპარლამენტო ოპოზიციის“ წარმომადგენლები და მოსახლეობა, გეგმავს პროკურატურას განცხადებით მიმართოს.
მასალის გამოყენების პირობები