თურქეთის ჟურნალისტთა ფედერაციამ ოკუპირებული აფხაზეთის ჟურნალისტების საბჭოსთან თანამშრომლობის მემორანდუმი გააფორმა. სააგენტო "აპსნისპრესის" ინფორმაციით, შეთანხმებას ხელი აფხაზეთის ჟურნალისტთა საბჭოს თავმჯდომარე ვლადიმერ კაპბამ და თურქეთის მხრიდან ჟურნალსტთა ფედერაციის ხელძღვანელმა ატილა სერტელმა მოაწერეს. თურქეთის ჟურნალისტთა ფედერაციის დელეგაცია აფხაზეთში 9 მაისს ჩავიდა და რიგი ღონისძიებები გამართა. აფხაზი კოლეგების გარდა, ისინი ე.წ. ხელისუფლების წარმომადგენლებსაც შეხვდნენ და დე ფაქტო საგარეო საქმეთა მინისტრ ვიაჩისლავ ჩირიკბას პრესკონფერენციას დაესწრნენ. თურქი ჟურნალისტები ოკუპირებულ რეგიონში ჩასვლის მიზეზად ადგილობრივ კოლეგებთან ურთიერთობების გაღმავებასა და აფხაზეთის შესახებ მეტი ინფორმაციის მოპოვების სურვილს ასახელებენ.