ზუგდიდში, აფხაზეთის #1 საჯარო სკოლის მე-11 კლასის მოსწავლე 16 წლის ანა ელიავა, მენინგიტის ნიშნებით თბილისის ინფექციური საავადმყოფოს ნეიროქირურგიულ განყოფილებაში გადაიყვანეს, სადაც ის ამჟამად მკურნალობის კურსს გადის. მანამდე, გოგონა ზუგდიდის მრავალპროფილური საავადმყოფოს “რესპუბლიკას” რეანიმაციულ განყოფილებაში იყო მოთავსებული. ანა ელიავას დედა, ია ხობელია, რადიო "ათინათს" ესაუბრა. მან დაადასტურა, რომ მისი შვილი ნამდვილად გადის მკურნალობის კურსს თბილისის ინფექციური საავადმყოფოს ნეიროქირურგიულ განყოფილებაში. “ანა გადმოვიყვანეთ თბილისის ინფექციურ საავადმყოფოში. ის ახლა მოთავსებულია რეანიმაციულ განყოფილებაში. მინდა ვისარგებლო შემთხვევით და დიდი მადლობა გადავუხადო ზუგდიდის საავადმყოფოს რეანიმაციული განყოფილების ექიმს სულხან ორჟონიას, რომელმაც ყველაფერი გააკეთა იმისთვის, რომ ანას უკეთ ეგრძნო თავი. მას ზურგის ტვინიდან სითხე აუღეს და ველოდებით პასუხს, თუ რა ტიპის მენინგიტთან გვაქვს საქმე", - აცხადებს ია ხობელია.