„ერთიანი ნაციონალური მოძრაობის“ ლიდრებმა ფაიფურის მოსახლეობასთან გამართულ შეხვედრაზე საარჩევნო კომისიაზე და მათ აქტივისტებზე განხორციელებულ ზეწოლაზე ისაუბრეს. „ხელისუფლების მხრიდან აგრესიული ქმედებები გრძელდება. აქტიურობს მათ მიერ შექმნილი უკანონო ჯგუფები, გუშინ სოფელ რუხში „ნაციონალური მოძრაობის“ აქტივისტები საარჩევნო პლაკატებს აკრავდნენ, როცა შეიარაღებული პირები მიუვარდნენ და იყო სერიოზული დაპირისპირება, ასევე ინტენსიურად მიმდინარეობს ზეწოლა კომისიის წევრებზე, მათ აიძულებენ, რომ დაწერონ განცხადება და არ იყვნენ წარმოდგენილი სარჩევნო კომისიაში, ეს არ არის ჯანსაღი პროცესი, რომელიც უნდა მიმდინარეობდეს არჩევნების დროს, მით უმეტეს ახლა, როცა გამადიდებელი შუშით უყურებს საქართველოს მთელი მსოფლიო, თუ როგორ ჩაატარებს არჩევნებს.“-განაცხადა გიორგი ვაშაძემ. მისივე თქმით ზუგდიდში ჯერ არც ერთ კანდიდატს არ მოუხსნია უფლებამოსილება და იმედს გამოთქვამს, რომ ეს არ მოხდება. „ის რაც დღეს ხდება საქართველოში პირდაპირი შედეგია ქართული ოცნების პოლიტიკის და დაუსჯელობის სინდრომის განაცხადა, -სერგო რატიანმა. მისივე თქმით, „ოცნება“ ხედავს რომ აგებენ ზუგდიდში არჩენებს და ეს მათთვის მტკივნეულია".-ამბობს რატიანი. როგორც" ნაციონალური მოძრაობის" გამგებლობის კანდიდატმა თენგიზ გუნავამ განმარტა, საარჩევნო კომისიის სამმა  წევრმა  თანამდებობა დატოვა. ისინი პირად საუბარში აღნიშნავენ, რომ მათზე ზეწოლა ხორცილდებოდა „სუსის“ და „ქართული ოცნების“ წარმომადგენლების  მხრიდან.