"ნაციონალური მოძრაობის" ზუგდიდის გამგებლობის კანდიდატი თენგიზ გუნავა  მეტყევე-რეინჯერის, დავით ცინდელიანის დედ-მამას  შეხვდა. დავით ცინდელიანის დედა არ აკონკრეტებს, თუ სად შედგა მათი შეხვედრა და კონკრეტულად რაზე იყო საუბარი. თუმცა, ოჯახის წევრების განცხადებით, მათი მოთხოვნა უცვლელია - დაისაჯოს ყველა, ვინც დავით ცინდელიანის საქმეშია გარეული. ამასთან, დავით ცინდელიანის ახლობლები აცხადებენ, რომ ისინი აღნიშნული მოთხოვნით  მშვიდობიან აქციებს გააგრძელებენ. თენგიზ გუნავას განცხადებით, მას დავით ცინდელიანის საქმესთან კავშირი არა აქვს და ხელისუფლება ოჯახს  წინასაარჩევნო კამპანიისთვის იყენებს. "კეთილი ინებოს ხელსუფლებამ და ეს საქმეები, რომლებიც წინასაარჩევნოდ ააგორა, ბოლომდე გამოიძიოს", - თქვა თენგიზ გუნავამ.