“ბურჯანაძე - ერთიანი ოპოზიციის“ ზუგდიდის შტაბში საარჩევნო დარღვევებზე საუბრობენ
დღეს, “ბურჯანაძე - ერთიანი ოპოზიციის“ ზუგდიდის საარჩევნო შტაბში ზუგდიდის რაიონის გამგებლობის კანდიდატმა გოგიტა ბიგვავამ ბრიფინგი გამართა. მის განმარტებით, ზუგდიდის რაიონის უმეტეს სოფლებში, მათი საარჩევნო პლაკატები ხშირ შემთხვევაში ჩამოხეული ან მასზე სხვა პარტიის, კერთოდ „ქართული ოცნების“ კანდიდატების პლაკატებია გადაკრული. „დიდი ეჭვი გვაქვს, რომ ჩვენი პარტიის კანდიდატების საარჩევნო პლაკატების ჩამოხევა მმართველი პოლიტიკური ძალის მიერაა გაკეთებული. ხელისუფლებას მივმართავთ და მოვითხოვთ შევწყვიტონ მიზანმიმართული უკანონო ქმედებები და მიიღონ ზომები აღნიშნულ ქმედებებთან დაკავშირებით.
აგრეთვე მოვითხოვთ საოლქო საარჩვნო კომისიამ გამოიძიოს აღნიშნული ვანდალური ფაქტები და გააკეთოს განმარტებები აღნიშნულთან დაკავშირებით“, - აღნიშნა საგანგებო ბრიფინგზე გოგიტა ბიგვავამ.ამასთან, “ბურჯანაძე - ერთიანი ოპოზიციის“ ზუგდიდის საარჩევნო შტაბში ჟურნალისტებს ზემოაღნიშნულის დამადასტურებელი ფოტომასალებიც წარუდგინეს.
"ქართული ოცნების" ზუგდიდის შტაბის ხელმძღვანელი ლაშა გვასალია მომხდარ ფაქტს უარყოფს.
მასალის გამოყენების პირობები