მოძრაობა „სამეგრელოს ხმის“ ლიდერი თენგიზ ჯგუშია და მისი თანამოაზრეები ზუგდიდში თვითმმართველობის არჩევნების გაყალბებაზე და უბნებში დატრილებულ კარსუსელზე საუბრობენ.ჯგუშიას თქმით, ზუგდიდში ხალხს არჩევანი მოპარეს. მისმა თანამოაზრემ, გამგებლობის ყოფილმა კანდიდატმა ციცინო შენგელიამ უბნებზე დარღვევების კონკრეტულ მაგალითებზე გაამახვილა ყურადღება. მან განმარტა, რომ მე-18 უბანზე ორი მიკროავტობუსით მიიყვანეს დევნილები, რომლებიც არ იყვნენ ამ უბანზე რეგისტრირებულნი და "ქართული ოცნების" კოორდინატორი მათ შეშვებას ითხოვდა. ჯგუშიამ და შენგელიამ ასევე ამომრჩევლის ფულით მოსყიდვაზეც ისაუბრეს,რასაც მათი მტკიცებით არჩევნების წინა ღამეს ადგილი ქონდა. „ქართული ოცნების“ მაჟორიტარი დეპუტატობის გამარჯვებულმა კანდიდატმა მერაბ ქვარაიამ აღნიშნა,რომ "ნაციონალური მოძრაობის"ლიდერები გიგა ბოკერია და ნუგზარ წიკლაური ცდილობდნენ უბნებზე სიტუაციის დაძაბვას, თუმცა ვითარება საარჩევნო უბნებზე მალევე განიმუხტა. ჯგუშიას ბრალდებაზე მერაბ ქვარაიას კომენტარი არ გაუკეთებია.