კომუნალური სერვისის მომხმარებელთა უფლებრივი მდგომარეობის გაუმჯობესების მიზნით ზუგდიდსა და საქართველოს 9 რეგიონში სამუშაო შეხვედრები გაიმართა. შეხვედრებზე წარმოდგენილი იყო ელექტროენერგიის, გაზის და წყლის მიმწოდებელი კომპანიების მომსახურების სფეროში მომხმარებელთა უფლებების დაცვის არსებული პრაქტიკა, გამოვლენილი პრობლემები და რეკომენდაციები. სამუშაო შეხვედრას,რომელშიც მონაწილეობას აღნიშნული კომპანიის და ადგილობრივი ხელისუფლების წარომადგენლები იღებდნენ, წინ უსწრებდა ქალაქში ჩატარებული კვლევა კომუნალური სერვისის მოწოდების ხარისხთან დაკავშირებით. დემოკრატიის ინსტიტუტის აღმასრულებელი დირექტორის არჩილ ხახუტაშვილის თქმით, კვლევის შედეგებმა აჩვენა, რომ მოსახლეობის კმაყოფილების დონე სხვადასხვა კომუნალური სერვისის მიწოდების მხრივ საშუალოზე დაბალია. ზუგდიდში პროექტის განხორციელებაში დემოკრატიის ინსტიტუტს თანამშრომლობა ასოციაცია „ათინათმა“ გაუწია.