19-22 ივნისს ანაკლიაში ტარდება ტრენინგების კურსი, რომელშიც მონაწილეობას იღებენ სამოქალაქო საზოგადოების ლიდერები საქართველოს ექვსი რეგიონიდან. ტრენინგის პროგრამა სამი მოდულისგან შედგება: მოდული-1: ორგანიზაციული განვითარება, მოდული-2: ტექნიკური და ორგანიზაციული უნარების განვითარება პოლიტიკის დიალოგში ეფექტური მონაწილეობისთვის და მოდული -3: ალიანსებისა და ქსელების გაძლიერება. პროექტი ევროკავშირის მიერ დაფინანსებული სამოქალაქო საზოგადოების მხარდაჭერის პროგრამის ფარგლებში ხორციელდება, რომელიც აღმოსავლეტ პარტნიორობის 6 ქვეყანას მოიცავს: სომხეთი, აზერბაიჯანი, საქართველო, მოლდოვა, ბელორუსია და უკრაინა და მას ახორციელებს კონდრად ადენაუერის ფონდი (გერმანია) და კონფლიქტებისა და მოლაპარაკების საერთაშორისო კვლევითი ცენტრი. სამოქალაქო საზოგადოების ორგანიზაციების შესაძლებლობისა და უნარების გაძლიერების პროგრამა 2014 წლის მარტიდან დაიწყო და 2015 წლამდე გაგრძელდება.