სამეგრელო-ზემო სვანეთის რეგიონში სახალხო დამცველის ოფისი, დღეს პროექტის - "სამეგრელო-ზემო სვანეთის რეგიონში სახალხო დამცველის ოფისის შესაძლებლობების გაძლიერება" პრეზენტაციას გამართავს. სახალხო დამცველის პრესსამსახურის ინფორმაციით, პროექტის პრეზენტაციას სახალხო დამცველის მოადგილე პაატა ბელთაძე, ბულგარეთის ელჩი საქართველოში პლამენ ბონჩევი, სახალხო დამცველის აპარატის წარმომადგენლები,ზუგდიდის მუნიციპალიტეტის გამგეობის და სამხარეო ადმინისტრაციის წარმომადგენლები დაესწრებიან. პროექტი ბულგარეთის მთავრობის მიერაა დაფინანსებული. პროექტის მიზანია, სამეგრელო–ზემო სვანეთის რეგიონში სახალხო დამცველის წარმომადგენლობის გაძლიერება და ადამიანის უფლებებთან და თავისუფლებებთან დაკავშირებით ადგილობრივი მოსახლეობის ცნობიერების ამაღლება.