გამოცემა "აპსნიპრესის"ინფორმაციით, აფხაზეთის ცენტრალური საარჩევნო კომისიის ინფორმაციით, აფხაზეთში ამომრჩეველთა რაოდენობა, ვისაც არჩევნებში მონაწილეობის მიღება შეუძლია 132 861 ადამიანს შეადგენს. "ზოგადი რაოდენობა ამომჩევლების არჩევნების შემდეგ გახდება ცნობილი. ამომრჩეველთა ბაზაზე მუშაობა გრძელდება,"- ამბობს ბატალ ტაბაღუა, აფხაზეთის ცენტრალური საარჩევნო კომისიის თავმჯდომარე. ამასთან, მისი თქმით, ყოველ საარჩევნო პროცესზე ბაზა კორექტირდება. რაც შეეხება ამჟამინდელ საპრეზიდენტო არჩევნებს, ტაბაღუა ამბობს, რომ შსს-ს მიერ წარმოდგენილი მასალებით ბაზიდან 22 767 ადამიანი იყო ამოღებული, რომელთა პასპორტების ნამდვილობაც არ ცნეს. "ამ ადამიანებს ხმის მიცემის უფლება არ აქვთ, ამიტომაც ჩვენ ყოველ საარჩევნო უბანში ვაგზავნით იმათ სიებს, ვინც ბაზიდან ამორიცხულია,"- ამბობს ცესკოს თავმჯდომარე. აფხაზეთის ცესკოს მონაცემებით, გალის რაიონში არჩევნებში მონაწილეობის უფლება აქვთ სულ 105 ადამიანს, ტყვარჩელში -231-ს. ამასთან, თავმჯდომარის თქმით, არ არის გამორიცხული გალის რაიონში ოლქები საერთოდ არ გაიხნას. ვადამდელი საპრეზიდენტო არჩევნები აფხაზეთში 24 აგვისტოს ჩატარდება.