ინგრედიენტები: ფქვილი 2.5 ჭიქა შაქარი 1 ს.კ კარაქი 150 გ წყალი 6-8 ს.კ მარილი 1 ჩ.კ გულსართი: ატამი 5-7 ცალი ლიმონის წვენი 2 ს.კ შაქარი 1 ჭიქა ფქვილი 1/2 ჭიქა დარიჩინი 1/2 ჩ.კ მუსკატის კაკალი 1/4 ჩ.კ ფქვილი, შაქარი და მწიკვი მარილი აურიეთ, დააამტეთ დაჭრილი კარაქი და თითებით ასრისეთ. მიიღებთ ფხვიერ მასას. შემდეგ დაამატეთ ძალიან ცივი წყალი და კიდევ აურიეთ. ცომი უფრო შეიკვრება. მიღებული ცომი ორად გაყავით და მაცივარში გააციეთ 1 საათი. ღუმელი გაახურეთ 200 გრადუსზე. ცომის ორივე ნაწილი გააბრტყელეთ 22-24 სმ დიამეტრის ფორმისთვის. ჩააფინეთ ერთი ნაწილი, გვერდებიც ამოუყვანეთ. ერთ ჯამში მოათავსეთ დაჭრილი ატამი და მოასსხურეთ ლიმონის წვენი. ცალკე, ერთმანეთში აურიეთ ფქვილი, დარიჩინი, მუსკატის კაკალი, შაქარი და აურიეთ.  შემდეგ ეს ნარევი დააყარეთ ატამს და კიდევ აურიეთ. გადაიტანეთ ატამი ცომჩაფენილ ფორმაში, გაანაწილეთ და ზემოდან ცომის მეორე ფენა დაადეთ. გვერდები შეუწებეთ. გამოაცხეთ 10 წუთი, შემდეგ ტემპერატურას დაუწიეთ 180 გრადუსამდე და კიდევ 30-35 წუთი გამოაცხეთ. შეგიძლიათ მიირთვათ თბილი, ნაყინთან ერთად, ან ცივი.