11-წლიანი შესწავლის შემდეგ პროგრამა MTHR-ის(mobilite telecommunications and health research) ფარგლებში, ბრიტანელი მეცნიერები მივიდნენ დასკვნამდე, რომ მობილური ტელეფონები მათი მფლობელების ჯანმრთელობის მდგომარეობაზე არ მოქმედებს. გამოქვეყნებული შედეგების მიხედვით, არ არსებობს არანაირი საფუძველი ვიფიქროთ, რომ მობილური ტელეფონის ხმარებისას ონკოლოგიური დაავადებების განვითარების რისკი იზრდება. მობილური კავშირგაბმულობის სადგურებიც არ ზრდის კიბოს დაავადების რისკს. MTHR-ის ხელმძღვანელმა, პროფესორმა დევიდ კოგონმა განაცხადა, 11 წლის წინათ, როცა კვლევა დაიწყო, მეცნიერების დამოკიდებულება ამ თემის მიმართ ძალიან არაერთგვაროვანი იყო, ხშირ შემთხვევაში კი წინააღმდეგობრივი. ახლა კი ისინი ერთ აზრამდე მივიდნენ. მეორეს მხრივ, კოგონმა არ დაიწყო უარყოფა, რომ ზოგიერთი საკითხი, მობილური ტელეფონის ჯანმრთელობაზე ზემოქმედების კუთხით, კვლავ დარჩა, მაგრამ მთლიანობაში, შეშფოთების საფუძველი გაცილებით ნაკლებია. ეს სამეცნიერო კვლევა სულ 14 მლნ ფუნტი სტერლინგი დაჯდა. მეცნიერები კიდევ აპირებენ კვლევის გაგრძელებას და მობილური ტელეფონების 100 ათასი მომხმარებლის გამოკვლევას. დაახლოებით 1 წლის წინათ, ანალოგიურ დასკვნამდე მივიდა სკანდინავიელ მეცნიერთა ჯგუფი. მათ მიერ ჩატარებულმა სამეცნიერო ექსპერიმენტმა ვერ დაამტკიცა კავშირი მობილური ტელეფონის მოხმარებასა და კიბოთი დაავადებას შორის.