სასულიერო პირები „კაზანტიპის“ პრეზიდენტის ნიკიტა მარშუნოკის საქართველოდან გაძევებას ითხოვენ. ანაკლია-განმუხურის საფეხმავლო ხიდთან მიმდინარე აქციაზე მამა დავით ისაკაძემ თქვა, რომ ნარკო და პორნო ორგიების მომწყობი პირების ადგილი საქართველოში არ არის და მათ არ აქვთ უფლება გადმოკვეთონ საზღვარი. „ ეს არის ჩვენი უცვლელი პოზიცია. მარშუნოკი უნდა იქნას გაძევებული საქართველოდან და მათთან ჩვენ არც შეხვედრას არც საუბარს არ ვაპირებთ“, - ამბობენ სასულიერო პირები. რაც შეეხება მარშუნოკის პოზიციას, მან ჟურნალისტებთან საუბრისას აღნიშნა, რომ ის მზად არის შეხვდეს სასულიერო პირებს, თუმცა, როგორც მარშუნოკი ამბობს, შეკრებილებს  კაზანტიპის ტერიტორიაზე ვერ შეუშვებს. „რაც შეეხება გარყვნილების თემას, არანაირი ნარკოტიკები კაზანტიპზე არ იქნება“, - თქვა ნიკიტა მარშუნოკმა. ანაკლიაში „კაზანტიპის" საწინააღმდეგო აქცია გრძელდება. სასულიერო პირები ამ წუთებში სამშვიდობო პარაკლის იხდიან, მოგვიანებით ისინი  წმინდა ნიკოლოზის ეკლესიასთან გადაინაცვლებენ, სადაც გადაწყდება როდის და რა ფორმით გააგრძელებენ პროტესტს.