ქალაქ ზუგდიდის მუნიციპალიტეტის საკრებულოს გადაწყვეტილებით,  ქალაქის მოსახლეობისთვის  დასუფთავების მოსაკრებელი თვეში  0,50 ლარით განისაზღვრა, თუმცა ოჯახის წევრის რაოდენობის მიუხედავათ სულადობის მაქსიმალური ზღვრული -4 სული იქნება.  აქედან გამომდინარე, ოჯახის წევრების სიმრავლის მიუხედავად,  ოჯახს 2 ლარზე მეტის გადახდა არ მოუწევს.  დასუფთავების მოსაკრებლის გადახდისგან მხოლოდ  სოციალურად დაუცველ ოჯახები გათავისუფლდებიან. რაც შეეხება იურიდიულ პირებს, ორგანიზაციებს და დაწესებულებებს  ერთ კუბურ მეტრ ნარჩენზე თვეში 25 ლარი უნდა გადაიხადონ. მიუხედავად ზემოაღნიშნული გადაწყვეტილებისა, მოსახლეობას დასუფთავების მოსაკრებელის გადახდა მისი ადმინისტრირების წესის დადგენამდე არ მოუწევს. „შესაბამისი სამსახურები მუშაობენ მოსაკრებლის ადმინისტრირების წესის შესახებ და როგორც კი წარმოდგენილი იქნება  პროექტი,საკრებულო ისევ იმსჯელებს აღნიშნულ საკითხზე“, - თქვა ქალაქ ზუგდიდის საკრებულოს თავმჯდომარემ მერაბ ქვარაიამ. ამასთან, საკრებულოს თავმჯდომარე მოსახლეობას მოუწოდებს იზრუნონ გარემოზე და დაიცვან ქალაქში სისუფთავე. ცნობისთვის, დასუფთავების მოსაკრებელი  დღემდე ერთ სულ მოსახლეზე,  50 თეთრს შეადგენდა, თუმცა, როგორც დღევანდელ საკრებულოს სხდომაზე აღნიშნეს, მოსახელეობა ამ თანხას არ იხდიდა და შესაბამისად დასუფთავების თანხა ბიუჯეტში არ შედიოდა.