ინგრედიენტები: ფხვიერი ნამცხვარი ("პეჩენია") 250 გ დარბილებული კარაქი 120 გ კვერცხის ცილა 4 შაქარი 150 გ ნებისმიერი ხილი 400 გ ჟელატინი სუფლესთვის: 2 ს.კ ცხელი წყალი 100 მლ სწრაფად მოსამზადებელი ჟელე ხილის შესაბამისი არომატით: 2 პაკეტი მომზადების წესი: ცილა და შაქარი შევურიოთ, დავდგათ ორთლის აბაზანაზე და გავაცხელოთ, თან პერიოდულად ვურიოთ რომ შაქარი გადნეს. ბევრი არ მოგვივიდეს, თორემ ცილა აიჭრება. ჟელატინს დავასხათ ცხელი წყალი (არა მდუღარე) და გავხსნათ კარგად.შევათქვიფოთ ცილას. ფხვიერი ნამცხვარი დავფხვნათ, შევურიოთ კარაქი და ჩავტკეპნოთ 22-24 სმ დიამეტრის გვერდებმოსახსნელ ფორმაში. ზემოდან გავანაწილოთ ბეზე და შევდოთ მაცივარში 1 საათი მაინც, რომ ბეზე შემაგრდეს. ამასობაში გავამზადოთ ხილი, რაც საჭიროა გავთალოთ და დავჭრათ. დავალაგოთ ბეზეს ფენაზე. სწრაფად მოსამზადებელი პაკეტის ჟელე გავამზადოთ ინსტრუქციის მიხედვით და დავასხათ ზემოდან ტორტს. შევდოთ მაცივარში გასამაგრებლად.