საქართველოს პრემიერ მინისტრმა ირაკლი ღარიბაშვილმა ჯანდაცვის, რეგიონული განვითარების მინისტრებთან და სამეგრელო-ზემო სვანეთის გუბერნატორთან ერთად სოფელ რუხში, ყოფილი იპოდრომის ტერიტორიაზე მრავალპროფილური კლინიკის მშენებლობას ჩაუყარა საფუძველი. პრემიერმა საავადმყოფოს მშენებლობას ეროვნული მნიშვნელობის უწოდა და განაცხადა, რომ აღნიშნულ სამედიცინო დაწესებულებაში მკურნალობას შეძლებენ აფხაზებიც და მათ ასევე, ყველა იმ სიკეთის მიღებაა შეეძლებათ, რომელსაც ქართული სახელმწიფო თავის მოქალაქეებს სთავაზობს. ამასთან, ღარიბაშვილმა აღნიშნა, რომ საავადმყოფოს მშენებლობის იდეა ბიძინა ივანიშვილს ეკუთვნის და სწორედ მისი ინიციატივით აშენდება თანამედროვე ტექნიკით აღჭურვილი საერთაშორისო სტანდარტების კლინიკა. ახალი სამედიცინო ცენტრის მშენებლობა 30 თვეში უნდა დასრულდეს და მისი მშენებლობისთვის 40 მილიონი ლარი გამოიყო. ამ ეტაპზე პირველადი–საძირკველის მოსამზადებელი სამუშაოები მიმდინარეობს.