სერიალის „დაკარგულები“ ვარსკვლავი ჯოშ ჰოლოვეი კარლტონ კიუზის დრამაში „Colony“ მთავარ როლს შეასრულებს. ამის შესახებ გამომცემლობა The Hollywood Reporter იტყობინება. დრამის ცენტრში არის ოჯახი, რომლის წევრებსაც, თუ ერთად დარჩენა და გადარჩენა სურთ, წინ რთული არჩევანი უდგათ. სურათის მოქმედება ახლო მომავალში, ლოს-ანჯელესში ვითარდება. ქალაქი დაკავებული აქვთ დაუპატიჟებელ სტუმრებს, რომლებიც კაცობრიობას განადგურების საშიშროების წინაშე აყენებენ. ზოგიერთები ახალ მმართველობას ემორჩილებიან და ამით სარგებელს ნახულობენ, სხვები კი წინააღმდეგობის გასაწევად ემზადებიან. ჰოლოვეი უილ ბოუმანის როლს შეასრულებს. ის ფედერალური საგამოძიებო ბიუროს ყოფილი აგენტია, რომელიც ოჯახის დაცვის მიზნით, იძულებული ხდება ოკუპანტებთან ითანამშრომლოს, რათა ლოს-ანჯელესის კოლონიაში წინააღმდეგობრივი ძალები შეასუსტოს.