“შურისმაძიებლები: ულტრონის ეპოქა” რეკორდსმენია! ახალი ნამუშევრის ტრეილერი, რომელიც პრემიერამდე ერთი კვირით ადრე დაუგეგმავად გამოქვეყნდა, პირველივე 24 საათის განმავლობაში 34.3 მილიონმა მაყურებელმა ნახა! აქედან, არაოფიციალურ ვერსიას 26-მილიონზე მეტი მნახველი ჰყავს! Marvel-მა ჰაკერების საპასუხოდ მაღალხარისხიანი ტრეილერი დაგეგმილზე ადრე გამოაქვეყნა, თუმცა, თავდაპირველ ვიდეოს მაინც ვერ აჯობა. შეგახსენებთ, რომ “შურისმაძიებლების” მეორე ნაწილის ტრეილერის პრემიერა მომდევნო კვირას, “S.H.I.E.L.D-ის აგენტების” ჩვენებისას უნდა შემდგარიყო, თუმცა, ჰაკერებმა მისი დროზე ადრე გამოქვეყნება მოახერხეს. სტუდიამ გადაწყვიტა, დათქმულ თარიღს კიდევ ერთი ვიდეო მიუძღვნას, 9 ნოემბერს კი ახალი ტრეილერი წარადგინოს. “შურისმაძიებლები: ულტრონის ეპოქა” კინოეკრანებზე 2015 წლის 1-ელ მაისს გამოვა.