საქართველოს შს სამინისტროს ოფიციალური ინფორმაციით, ზუგდიდში, სუს-ის აფხაზეთის სამმართველოში მომხდარ აფეთქებას ადამიანის სიცოცხლე ემსხვერპლა.ზუგდიდის მერის წინასწარი ინფორმაციით, შენობაში წყლის გამათბობელი ავზი აფეთქდა,რამაც კედლის ნგრევა გამოიწვია,ნანგრევებში კი უწყების თანამშრომელი,32 წლის ზვიად ლაგვილავა მოყვა,რომელიც ადგილზე გარდაცვალა. ცხედარი წუხელვე ქუთაისის პროზექტურაში გადაასვენეს. შემთხვევასთან დაკავშირებით მიმდინარეობს გამოძიება. "ნამდვილად უბედური შემთხვევა მოხდა. დაიღუპა შინაგან საქმეთა სამინისტროს ერთი თანამშრომელი. მინდა ვუსამძიმრო მის ოჯახს, გასკდა წყლის ავზი და ამას მოჰყვა კედლის ნგრევა, რომელიც დაეცა ჩვენს თანამშრომელს და იგი გარდაიცვალა", - განაცხადა შსს-ს მინისტრის მოადგილე ვახტანგ გომელაურმა. მან ხაზგასმით აღნიშნა,რომ გავრცელებული ინფორმაცია,თითქოს თავდასხმა მოხდა სპეცდანიშნულების ბაზაზე, სიმართლეს არ შეესაბამება.