Sharp LZ0P420A - ინფრაწითელი ღამის ხედვის მქონე პირველი მოწყობილობაა, რომელსაც სრულ სიბნელეშიც კი შეუძლია ფერადი ვიდეოების გადაღება. ამის შესახებ გამოცემა Pсworld იტყობინება. ახალი კამერა ინფრაწითელ დიაპაზონზე მუშაობს, რაც 1,3 მეგაპიქსელიან კამერას საშუალებას აძლევს, ფერადი ვიდეო გადაიღოს. ”ახალი მოწყობილობა ახლომდებარე ინფრაწითელი სპექტრიდან მიღებული გამოსახულების ანალიზს ახდენს, რათა თვალთახედვის არეში არსებული ობიექტების ბუნებრივი ფერების აღდგენა მოხდეს” - აცხადებს Sharp-ის ოფიციალური წარმომადგენელი მიუკი ნაკაიამა. გავრცელებული ინფორმაციის მიხედვით, ღამის ხედვის ფერადი კამერების გაყიდვა 28 ნოემბერს დაიწყება და მათი ღირებულება 1 325 დოლარი იქნება. კომპანია თვეში დაახლოებით, 4000 მოწყობილობის წარმოებას გეგმავს. პირველ ეტაპზე სიახლე მხოლოდ იაპონიის საზღვრებში იქნება ხელმისაწვდომი.