ნობელის პრემიის ლაურეატი მწერლის, გაბრიელ გარსია მარკესის არქივი, აშშ-ის ტეხასის შტატის ოსტინში მდებარე უნივერსიტეტმა შეიძინა. კოლუმბიის კულტურის მინისტრმა მარია გარსესმა ამ გარიგებასთან დაკავშირებით სინანული გამოთქვა და არქივის გაყიდვას ქვეყნისთვის დიდი დანაკლისი უწოდა. მწერლის ოჯახის წევრებმა კი, რომლებმაც ამერიკულ უნივერსიტეტთან გააფორმეს გარიგება, განაცხადეს, რომ არქივთან დაკავშირებით კოლუმბიის ხელისუფლებას მათთვის საერთოდ არ მიუმართავს. ამერიკული უნივერსიტეტის წარმომადგენელმა განაცხადა, რომ არქივი, დიდი მწერლის 50 წლის შემოქმედებას აერთიანებს. კოლექციაში შედის „მარტოობის ასი წლის“ და სხვა წიგნების ხელნაწერები, 2 ათასზე მეტი წერილი და მათ შორის მიმოწერა ჰერმან გრინთან, მწერლის საბეჭდი მანქანა და კომპიუტერი. გარდა ამისა, არქივი მოიცავს ფოტოალბომებს და „შავ ნაწერებს“. მარკესი ამ წლის აპრილში, მექსიკაში გარდაიცვალა.