სამეგრელო-ზემო სვანეთის მხარეში რწმუნებულ-გუბერნატორმა ლევან შონიამ და ვიცე პრემიერმა გიორგი კვირიკაშვილმა საქართველოს მთავრობის ორი წლისა და რეგიონის გუბერნატორის ერთი წლის საქმიანობის ანგარიში წარადგინეს. ანგარიშის პრეზენტაციაზე გუბერნატორმა ლევან შონიამ და მთავრობის წარმომადგენლებმა ორი წლის განმავლობაში სამეგრელო-ზემო სვანეთის მხარეში განხორციელებულ და დაგეგმილ პროექტებზე ისაუბრეს. ცენტრალურ ხელისუფლებასთან ერთად ადგილობრივი ხელისუფლებისთვის ერთ-ერთ მთავარ პრიორიტეტად მოსახლეობის ჯანმრთელობის დაცვის ხელშეწყობა და სოციალური დაცვა რჩება. ჯანდაცვისა და სოციალური უზრუნველყოფის სფეროში განხორციელებული რეფორმის შედეგად რეგიონში მცხოვრები 476 ადამიანი დაზღვეულია. ანგარიშის პრეზენტაციაზე გუბერნატორმა ლევნ შონიამ აღნიშნა,რომ ორი წლის განმავლობაში განხორციელებული და მიმდინარე ინფრასტრუქტურული პროექტების ღირებულებამ 397 მილიონი ლარი შეადგინა. რეგიონში განხორციელდა 956 ინფრასტრუქტურული პროექტი,სადაც 5000-ზე მეტი ადგილობრივი მცხოვრები დასაქმდა. რაც შეეხება დევნილებს ფოთში, მათ 384 საცხოვრებელი სახლი გადაეცათ,ზუგდიდში ამჯამად 84 საც ხოვრებელი ბინა შენდება და დეკემბრის ბოლოს დევნილებს 320 ბინა გადაეცემათ. რეგიონში ბოლო ორი წლის განმავლობაში 642 ოჯახს ერთ ლარად საცხოვრებელი ფართები დაუკანონდა. 18 995 დევნილ ოჯახს ზამთრის სეზონისთვის ელექტროენერგიისა და ბუნებრივი აირის შესაძენად 200 ლარიანი ფულადი დახმარება გამოეყოთ.როგორც გუბერნატორმა ლევან შონიამ შეხვედრაზე განმარტა, 1600 ოჯახზე 262 500 ლარის ოდენობით ერთჯერადი ფულადი დახმარებები ჯანდაცვის,განათლებისა და სხვა მიმართულებებით უკვე გაცემულია. 2012 წლიდან რეგიონში სოფლის მხარდაჭერის პროგრამით,ჯამში 14 მილიონ 300 ათასი ლარის ღირებულების 2 564 პროექტი განხორციელდა. რაც შეეხება სოფლის მეურნეობის განვითარების პროექტს ის 20 მილიონი დოლარით დაფინანსდა. ჟურნალისტებთან საუბარში მხარის გუბერნატორმა ლევან შონიამ განმარტა,რომ რეგიონში 956 პროექტი განხორციელდა,2015 წელს ზუგდიდში წყალმომარაგებისა და კანალიზაციის განსახორციელებელი პროექტის ფარგლებში 130 მილიონიანი პროექტი დაფინანსდა,სადაც 1000-მდე ადგლიობრივი მოსახლე დასაქმდება. საქრთველოს ეკონომიკისა და მდგრადი განვითარების მინისტრი გიორგი კვირიკაშვილი ჟურნალისტებთან საუბარში განსაკუთრებით ანაკლიის პროექტის,ახალი აბრეშუმის გზის მარშრუტს გამოყოფს,რომლის ფარგლებშიც უამრავი ადამიანი დასაქმდება რეგიონში.