სოხუმი:"რესპუბლიკის აღიარება - შემდგარი პოლიტიკური ფაქტია"
დე ფაქტო აფხაზეთის საგარეო საქმეთა სამინსტრომ ნატოს გენერალური მდივნის იენს სტოლტენბერგის განცხადებაზე, რუსეთის მიერ აფხაზეთისა და სამხრეთ ოსეთის აღიარების გაწვევის შესახებ, კომენტარი გააკეთა.
ნატოს გენერალური მდივნის მოთხოვნა, რუსეთის ფედერაციის მიერ აფხაზეთისა და სამხრეთ ოსეთის დამოუკიდებელ სახელმწიფოებად აღიარების გაწვევისა და იქიდან საკუთარი ჯარების გაყვანის შესახებ - უსაფუძვლოა, ნათქვამია დე ფაქტო აფხაზეთის საგარეო საქმეთა სამინისტროს განცხადებაში. იენს სტოლტენბერგის მიერ მის განცხადებაში გამოყენებული ფორმულირება სინამდვილეს არ შეესაბამება, რადგან “აფხაზეთი და სამხრეთ ოსეთი უკვე დიდი ხანია არ წარმოადგენენ, საქართველოს ნაწილს“, ნათქვამია დე ფაქტო საგარეო უწყების განცხადებაში. გარდა ამისა, ამავე განცახდებაში აღნიშნულია, რომ ორივე რესპუბლიკის დამოუკიდებლობის სტატუსი, რუსეთის გარდა, გაეროს წევრმა ხუთმა სახელმწიფომ აღიარა.
ოფიციალურ დოკუმენტში ნათქვამია, რომ ჩრდილოატლანტიკურ ალიანსს, ევროპის კიდევ რამდენიმე სტრუქტურის მსგავსად, „არ სურს სამხრეთ კავკასიაში ჩამოყალიბებული პოლიტიკური რეალიების აღიარება“.
მასალის გამოყენების პირობები