მსოფლიოს კულტურულ ცხოვრებაში ცირკი განსაკუთრებულ როლს იკავებს, რომელიც ერთ-ერთ ყველაზე საინტერესო და საოცარ სანახაობას წარმოადგენს. უხსოვარ წარსულში მსახიობები მაყურებლისთვის სხვადასხვა სახის ნომრებს წარმოადგენდნენ, რომლების ცირკის ერთგვარ წინაპრადაც შეიძლება მივიჩნიოთ, თუმცა ოფიციალურად პირველი ცირკის გახსნა მოგვიანებით მოხდა. 1770 წელს ინგლისის სამხდერო სამსახურიდან დაბრუნებულმა მსუბუქი ქვეითი ბატალიონის უფროსმა სერჟანტმა ფილიპ ესტლიმ ბაგირზე სვლის შემსწავლელი სკოლა დააარსა. ამასთან ის თოკზე სვლის დემონსტრირებასაც ახდენდა. ასევე იმართებოდა შოუ ცხენების მონაწილეობით. ოდნავ მოგვიანებით აღნიშნული სპორტულ-აკრობატული სანახაობის მოსაწყობად სპეციალური შენობა ააშენეს, რომელსაც “ესტლის ამფითეატრი” ერქვა. შენობას მრგვალი სცენა ჰქონდა და ორკესტრიც ყავდა. სწორედ ეს გახლავთ პირველი ოფიციალური ცირკი. 1777 წლის 4 აგვისტოს ევროპაში პირველად თეატრალური წარმოდგენები დაიწყო. “ესტლის ამფითეატრში” თავიდანვე თითქმის ყველა ნომერს აჩვენებდნენ, რომლის ნახვაც თანამედროვე ცირკში შეიძლება. ამის მიუხედავად მსოფლიოს პირველ ცირკში პროგრამას ყოველწლიურად ახალ ნომრებს ამატებდნენ. იდგმებოდა ისტორიულ სიუჟეტებზე აგებული სპექტაკლები და მელოდრამები, იხვეწებოდა აკრობატული ნომრები და რაც მთავარია გაჩნდა მსოფლიოს ერთ-ერთი ყველაზე პოპულარული გმირი ჯამბაზი. ინგლისელი უფროსი სერჟანტი ფილიპ ესტლი გახდა პირველი ადამიანი, რომელმაც მსოფლიოში პირველი ცირკი გახსნა და მაყურებელს საცირკო ნომრები შეთავაზა. “ესტლის ამფითეატრი” იმდენად პოპულარული იყო, რომ მისი ფილიალები თავდაპირველად ინგლისის კიდევ ორ ქალაქში, მოგვიანებით კი, 1782 წელს პარიზშიც გაიხსნა.   -