სამეგრელო-ზემო სვანეთის მხარეში სახელმწიფო რწმუნებულმა ლევან შონიამ ჩხოროწყუს მუნიციპალიტეტში მიმდინარე ინფრასტრუქტურული პროექტები დაათვალიერა. გუბერნატორი, რეგიონული პროექტების მართვის სამსახურის უფროსთან დათო კოდუასთან, ჩხოროწყუს გამგებელთან და საკრებულოს თავმჯდომარესთან ერთად, ზუგდიდის ქუჩაზე სანიაღვრე არხებისა და საბავშვო ბაღების მშენებლობის პროცესს ადგილზე გაეცნო. ლევან შონიას განცახდებით, მშენებელი კომპანია სამუშაოებს ხარისხიანად ასრულებს, მაგრამ მშენებლობის ტემპი შენელებულია და საჭიროა სამშენებლო კომპანიამ ტემპი გაზარდოს, რათა ობიექტების მშებელობა დროულად დასრულდეს. სანიაღვრე არხების მშენებლობის პროექტი საავტომობილო გზების დეპარტამენტის მიერ ხორციელდება და მისი მოწყობა 1600 მეტრზე მიმდინარეობს.ობიექტზე სამუშაოები 1 თებერვალს დაიწყო და ხელშეკრულების მიხედვით, მშენებლობა 30 ივნისს უნდა დასრულედეს. სამუშაოებისთვის ბიუჯეტიდან 274 564 ლარია გამოყოფილი. საბავშვო ბაღის მშენებლობისთვის, რომელიც მუნიციპალიტეტის ცენტრში მიმდინარეობს, რეგიონში განსახორციელებელი პროექტების ფონდიდან, 414 999 ლარი გამოიყო. სამშენებლო სამუშაოები 2 დეკემბერს დაიწყო და 7 სექტემბერს უნდა დასრულდეს. ჩხოროწყუში, გარახის უბანში მდებარე მშენებარე საბავშო ბაღის მშენებლობისთვის ბიუჯეტიდან 222 221 ლარი იხარჯება. ობიექტზე სამშენებლო სამუშაოები გასული წლის სექტემბერში დაიწყო და 30 მაისს უნდა დასრლდეს. პროექტი მუნიციპალური განვითარების ფონდიდან ფინანსდება.