სამეგრელო-ზემო სვანეთის გუბერნატორმა ლევან შონიამ სამხარეო ადმინისტრაციაში საგანგებო თათბირი გამართა, რომელსაც მუნიციპალიტეტების მერები, გამგებლები, საკრებულოს თავმჯდომარეები და ინფრასტრუქტურის სამსახურის უფროსები დაესწრნენ. გუბერნატორმა თათბირზე ადგილობრივი ხელისუფლების წარმომადგენლებისგან დეტალური ინფორმაცია მოისმინა მიმდინარე პროექტების შესახებ. მან  საჯარო მოხელეებს მეტი მუშაობისა  და პროექტების მიმდინარეობის დროს აქტიური ჩართულობისკენ მოუწოდა.  ამასთან სამხარეო ადმინისტრაციის ცნობით, პროექტების განხორციელება უხარვეზოდ მიმდინარეობს, ამ ეტაპზე ყველა ტენდერი დასრულებულია და გამარჯვებულ პრეტენდენტებთან  ხელშეკრულებების გაფორმების პროცესი მიმდინარეობს.  მთავრობის განკარგულებით გამოყოფილმა თანხამ 9 200 000 ლარი შეადგინა. სამეგრელო-ზემო სვანეთის მხარის სამოქმედო გეგმაში 2015 წელს განსახორციელებელი პროექტების პორტფელის შევსება გათვალისწინებულია მთავრობის მორიგი განკარგულებებით. ლევან შონიამ გამგებლებს და საკრებულოს თავმჯდომარეებს  დაუღალავი მუშაობისა  და პროექტების მიმდინარეობის დროს აქტიური ჩართულობისკენ მოუწოდა.