ინგრედიენტები: სალათის ფოთლები 150 გ შავი და თეთრი ყურძნის მარცვლები 150-200 გ სულგუნი 300 გ ზეთი 6 ს.კ ქონდრის და რეჰანის ფოთლები ლიმონის წვენი 1 ს.კ მარილი და პილპილი მომზადების წესი: დაიწყეთ სოუსით: შეურიეთ ზეითუნის ზეთის ნაწილი, ლიმონის წვენი, რეჰანი, ქონდარი, მარილი და პილპილი. სასალათეში ერთმანეთს შეურიეთ ყუირძნის მარცვლებისა და სალათის ფოთლების ნაწილი. თუ მარცვლები მსხვილია, შუაზე გაჭერით. სულგუნი დაჭერით ნაჭრებად და დაბრაწეთ ტაფაზე გაცხელებულ ზეითუნის ზეთში სწრაფ ცეცხლზე, ორევე მხრიდამ. უნდა გახდეს ელასტიური, მაგრამ გადნობა ვერ მოასწროს. გადმოიღეთ დაფაზე, დაჭერით და მოაყარეთ სალათს. დაამატეთ დანარჩენი ყურძენი და სალათის ფოთლები, შემდეგ მოასხით სოუსი და კარგად ამოურიეთ.