ზუგდიდის მუნიციპალიტერტის საკრებულოს წევრი "თავისუფალი დემოკრატებიდან" ცოტნე მურღულია  განცხადებას ავრცელებს. მურღულია მუნიციპალიტეტის მიერ დაფუძნებული შპს-ების საქმიანობის ეფექტურობას ეჭქვეშ აყენებს. ამასთან, პარტია "თავისუფალი დემოკრატების" წევრი ადგილობრივ თვითმმართველობას სამსახურეობრივ გულგრილობაში ადანაშაულებს. რადიო "ათინათი " ცოტნე მურღულიას განცხადებას უცვლელად გთავაზობთ: "ზუგდიდის მუნიციპალიტეტის საკრებულოს უფლებამოსილების ცნობის მომენტიდან დღემდე, საკრებულოს რიგი წევრების ინტერესს იწვევს იმ მეწარმე საზოგადოებ(ებ)ის საქმიანობის შესწავლა, სადაც ზუგდიდის მუნიციპალიტეტის გამგეობა დამფუძნებელ ან/დამმართველ პარტნიორად გვევლინება. ამ თვალსაზირისით, ინტერესს იწვევს შპს “სასტუმრო ანაკლიის”, შპს “განმუხური-ანაკლია რესორტის"  თუ სხვა მეწარმე საზოგადოებ(ებ)ის საქმიანობის მონიტორინგი. უფრო კონკრეტულად, ნიშანდობლივია ასეთ საწარმოებში დასაქმებულ პირთა კვალიფიკაციისა და მათი შრომითი ანაზღაურების მიმართება ამავე მეწარმე საზოგადოებ(ებ)ის საქმიანობის ეფექტურობისა და რენტაბელურობის მაჩვენებლებთან, საწარმოს წლიური აუდიტის შედეგები, მიღებული დივიდენდების მიზნობრიობა, მათი ოდენობა და გახარჯვის მიზანშეწონილობა. ამასთან, იმ პირობებში,როდესაც მათი დიდი ნაწილი პარალიზებულია და ოპერირება უწევს მუნიციპალიტეტის სუბსიდიების მეშვეობით, გაუგებარია საწარმოს მრავალრიცხოვანი პერსონალის საჭიროების აუცილებლობა მათი ასტრონომიული ანაზღაურების გათვალისიწინებით. მეტი თვალსაჩინეობისთვის, ზოგიერთი მათგანი წარმოდგენილია ორი ან მეტი დირექტორით, დირექტორის მოადგილეებითა თუ სამსახურის ხელმძღვანელებით, რომელთა საშუალო ანაზღაურება 3000-5000 ლარის ფარგლებში მერყეობს. უფრო მეტიც, როდესაც ჩვენ მივმართეთ ზუგდიდის მუნიციპალიტეტის გამგეობას, როგორც მმართველი/დამფუძნებელი პარტნიორისგან მიგვეღო ასეთი ინფორმაცია, მათ შორის აუდიტის შედეგები. გაირკვა, რომ ისინი არ ფლობენ მსგავსი შინაარსის ინფორმაციას. დაინტერესების შემთხვევაში, მზად ვართ საზოგადოებას წარვუდგინოთ ოფიციალური პასუხები. თავის მხრივ, საზოგადოებისთვის მიგვინდია მუნიციპალიტეტის ქონებისადმი ასეთი დამოკიდებულება. ამ საკითხის შესწავლით, ჩვენი არაერთი მოთხოვნის/განცხადების შემდგომ, ერთი შეხედვით, მუნიციპალიტეტის საკრებულოსა თუ გამგეობის ხელმძღვანელი თანამდებობის პირებიც დაინტერესდნენ.ამ მიმართულებით, განისაზღვრა შემდგომი სამუშაო მოქმედების სტრატეგია, რომელიც 2015 წლის დასაწყისიდანვე უნდა ამოქმდებულიყო. ამ მიმართულებით დღემდე არაფერი გაკეთებულა. ყოველივე ზემოთქმული გვაფიქრებინებს, რომ ადგილი აქვს შეგნებულ სამსახურებრივ გულგრილობას, სავარაუდო კორფციულ ინტერესს ან/და არაკომპეტენტურობას, რაც მოცემულ შემთხვვეაში,თითოეული ერთმანეთზე უარესია. ყოველივე ზემოაღნიშნულის გათვალისიწნებით, იმედს ვიტოვებთ,რომ ყველა ის პირი, რომლის უშუალო მოვალეობასაც წარმოადგენს მითითებული საკითხები, უმოკლეს ვადებში უზრუნველყოს წინამდებარე ურთიერთობების შესწავლას საზოგადოების ფართო ნაწილისა თუ სხვა დაინტერესებული პირების მონაწილეობით", - ნათქვამია ცოტნე მურღულიას მიერ გავრცელებულ განცხადებაში.