რაულ ხაჯიმბა :"გალის რაიონი აფხაზეთის ბეღელი უნდა გახდეს"
„გალის ტერიტორია საშუალებას იძლევა სხვა დონეზე განვითარდეს აფხაზეთის სოფლის მეურნეობა და ბიუჯეტში ახალი შემოსავლები გაჩნდეს, რაც სრულიად შეცვლის ქვეყნის მთლიან სურათს. ეს უკავშირდება უსაფრთხოების, ხარისხიანი ინფრასტრუქტურის მოწყობის, ენგურჰესის მუშაობის საკითხებს“- ამის შესახებ რაულ ხაჯიმბამ, თავითაღიარებული აფხაზეთის პრეზიდენტმა : " ნუჟნაია გაზეტასთვის" მიცემულ ინტერვიუში განაცხადა.
მისი თქმით, გალში სერიოზული პრობლემებია, რომელიც გზას, წყალმომარაგებას უკავშირდება, რომელთა გადაჭრით, მთელი აფხაზეთის პრობლემები მოგვარდება. „გალის რაიონი ჩვენი რაიონია, ეს აფხაზეთის ტერიტორიაა და რაც უფრო სწრაფად მოვახერხებთ ჩვენ მის ადაპტირებას, მით უფრო სწრაფად გადაწყდება ყველა ის პრობლემა, რომელიც დღეს განიხილება ჩვენს საზოგადოებაში. დაწყებული პასპორტიზაციის საკითხიდან“- თქვა ხაჯიმბამ. შესაბამის კითხვაზე პასუხის გაცემისას, მან აღნიშნა, რომ გალის რაიონის მცხოვრებთათვის არ აიკრძალება ე.წ. საზღვრის გადაკვეთა და საქართველოს მიერ კონტროლირებად ტერიტორიაზე გადასვლა, თუმცა, ეს უნდა მოხდეს, მხოლოდ სოხუმში შემუშავებული წესების თანახმად და საზღვრის გარკვეულ მონაკვეთებზე. „ ჩვენ ზუსტად უნდა ვიცოდეთ,რა ხდება საზღვრის ამ ნაწილზე, ვინ გადავიდა და როდის ბრუნდება, უნდა არსებობდეს შესაბამისი თამაშის წესები. როგორც ეს ნებისმიერ ნორმალურ სახელმწიფოში ხდება. სწორედ ამიტომ ვსაუბრობთ ჩვენ გზების შეკეთების აუცილებლობაზე, რაც მათ (გალის რაიონის მოსახლეობას) საშულებას მისცემს სწორედ იმ მონაკვეთებზე გადაკვეთონ საზღვარი, სად ეს დაშვებულია კანონით“- თქვა ხაჯიმბამ. მისი თქმით, გზების შესაკეთებლად 180 - დან 200 მილიონამდე რუსული რუბლი დაიხარჯება.
მასალის გამოყენების პირობები