ყავისა და საკონდიტრო ნაწარმის მწარმოებელი უმსხვილესი ამერიკული კომპანია Starbucks თანამშრომლებს სულგრძელოვან წინადადებას სთავაზობს. თუ ისინი ორშაბათს გამოცხადებულ არიზონას სახელმწიფო უნივერსიტეტის საბაკალავრო პროგრამაში მსურველებად დარეგისტრირდებიან, დამსაქმებელი კომპანია მათი სწავლის ხარჯებს აანაზღაურებს. კომპანიის განცხადებით, მათი თანამშრომლების 70%-ს არ აქვს ბაკალავრის დიპლომი. ასე რომ, მათ სურთ ხელი შეუწყონ ახალგაზრდებში განათლების ხელმისაწვდომობას. შეთავაზებით სარგებლობა შეუძლია კომპანიის ყველა თანამშრომელს, განურჩევლად თავისი სამუშაო გრაფიკისა. ხოლო თუ ისინი ჩაირიცხებიან უნივერსიტეტში და მხოლოდ ამის შემდგომ მოუნდებათ ან დაჭირდებათ სამსახურიდან წამოსვლა, სწავლის საფასურის გადახდის ვალდებულებას კვლავ კომპანია იტოვებს. აღსანიშნავია, რომ მსგავსი შეთავაზებით, რამდენიმე წლის წინათ, კომპანიაში მომუშავე ბარისტებმა შეძლეს ორწლიანი კოლეჯის უფასოდ დამთავრება.