ბრიტანულმა გაზეთმა The Telegraph-მა ქუთაისი და მცხეთა ევროპის 16 უძველეს ქალაქს შორის დაასახელა და აღნიშნა, რომ ორივე მათგანი ტურისტებში დიდი პოპულარობით სარგებლობს. 16 მუდმივად დასახლებულ, უძველეს ქალაქებს შორის ქუთაისი მე-8, მცხეთა კი მე-14 ადგილს იკავებს. გამოცემა ყურადღებას ამახვილებს ორივე ქალაქის ისტორიაზე და წერს რომ პირველი მცხოვრებლები ქუთაისში ძველი წელთაღიცხვის მეორე ათასწლეულში გამოჩნდნენ და ის კოლხეთის სამეფოს დედაქალაქი იყო. რაც შეეხება მცხეთას, სტატიაში ნათქვამია, რომ საქართველოს უძველესი დედაქალაქი 3 ათასი წლის წინ დაარსდა და მისი სამი ისტორიული ძეგლი – ჯვრის მონასტერი, სვეტიცხოვლის ტაძარი და სამთავროს მონასტერი იუნესკოს კულტურული მემკვიდრეობის სიაშია შეტანილი. სიაში პირველ და მეორე ადგილზეა საბერძნეთის ქალაქები - არგოსი და ათენი, სადაც მოსახლეობა ჩვენს წელთ აღრიცხვამდე დაახლოებით 5 ათასი წლით ადრე დასახლდა.