ყვავილების თაიგულის ნაცვლად, პატარძალს ძვირფასი თვლებით გაწყობილი, ოქროს ”ყვავილების” თაიგული ეკავა "წლის ყველაზე მდიდრული ქორწილი" - სწორედ ასე უწოდა უცხოურმა მედიამ ბრუნეის სულთანის უმცროსი ვაჟის, 31 წლის აბდულ მალიკის ქორწილს. პრინცის რჩეული 22 წლის დაიანგკუ რაბიატული გახდა, რომელიც მანამდე სისტემურ ადმინისტრატორად მუშაობდა. "დოიჩე ველეს" ინფორმაციით, 11-დღიანი ქორწილი, რომელიც დღეს დასრულდება, მსოფლიოს ყველაზე დიდ სასახლეში გაიმართა. სასახლე ბრუნეის დედაქალაქ ბანდარ სერი ბეგავანში მდებარეობს და 1 788 ოთახისგან, 257 სააბაზანოსგან და 110 მანქანაზე გათვლილი პარკინგისგან შედგება. 6 ათას სტუმარს, რომელთა შორის სხვადასხვა ქვეყნის პირველი პირები და სამეფო ოჯახის წარმომადგენლებიც იყვნენ, ნეფე-დედოფალი ოქროს ტახტრევნებში მჯდომი დახვდნენ. ყვავილების თაიგულის ნაცვლად კი პატარძალს ძვირფასი თვლებით გაწყობილი ოქროს თაიგული ეკავა, კრისტიან ლობუტინის ფეხსაცმელი კი მთლიანად სვაროვსკის ბროლის თვლებით იყო მოოჭვილი. გავრცელებული ინფორმაციით, ფეხსაცმელი 4 ათასი დოლარი ღირს. ქორწილის მთლიანი ღირებულების დადგენა კი ექსპერტებმა ამ დრომდე ვერ შეძლეს, რადგან ქორწილი დღეს სრულდება.