ზუგდიდის მუნიციპალიტეტის გამგეობის, მძიმე საცხოვრებელი პირობების მქონე პირთა საცხოვრებელი ფართით უზრუნველყოფის კომისიამ, მორიგი სხდომა გამართა. სამუშაო ჯგუფმა კომისიის თავმჯდომარე ედიშერ თოლორაიას სახლის ესკიზები გააცნეს.  გარდა ამისა, დღევანდელ სხდომაზე  შეფასების კრიტერიუმებზეც იმსჯელეს, რომლის მიხედვითაც მოხდება ყველაზე მძიმე საცხოვრებელი პირობების მქონე ოჯახების შერჩევა. ცნობისთვის, ზუგდიდის მუნიციპალიტეტის გამგეობა უკიდურესად შეჭირვებულ ოჯახებს, რომელთა საცხოვრებელი სახლები ამორტიზირებულია და რემონტს არ ექვემდებარება, 35კვ/მ  საცხოვრებელ სახლებს საკუთარ კარ-მიდამოში აუშენებს. პროგრამის განხორციელებისთვის ადგილობრივ ბიუჯეტში 350 ათასი ლარია გათვალისწინებული. წელს, დაახლოებით, 20 ასეთი სახლის მშენებლობა იგეგმება. აღნიშნული პროგრამა სოციალურად დაუცველი ოჯახებისთვის  ე.წ. ერთჯერადი 100 ლარიანი დახმარების გაცემის ნაცვლად ხორციელდება.