ინგრედიენტები ცომისთვის: ფქვილი - 1,5 ჩაის ჭიქა კვერცხი - 4ც შაქრის პუდრა - ¾ ჩაის ჭიქა კარაქი - 200 გ კაკაო - 2 ს.კ. გამაფხვიერებელი - 2 ჩ.კ. კომპოტის ალუბლები - გემოვნებით კრემისთვის: ინგრედიენტები: რძე - 500 მლ შაქარი - 200 გ ფქვილი -40 გ კვერცხის გული - 4 ც. ვანილი რომი - 2 ს.კ. მინანქრისთვის: შოკოლადი - 200 გ კარაქი - 1 ს.კ. შოკოლადი - 50 გ დაშაქრული ალუბლები - გემოვნებით მომზადების წესი: გაცრილ ფქვილს დაამატეთ გამაფხვიერებელი, გამდნარი კარაქი, შაქრის პუდრა და აურიეთ. შემდეგ დაამატეთ კვერცხი, ფრთხილად ათქვიფეთ. გაყავით ორ ნაწილად (2/3-ით ან 1/3-ით). მცირე ნაწილს დაუმატეთ კაკაო. ღია ფერის ცომი ჩაასხით ცხიმწასმულ ფორმაში, შემდეგ მწკრივებად ზემოდან დაალაგეთ კურკაგამოცლილი ალუბლები. დაასხით მუქი ფერის ცომი. გამოაცხეთ საშუალო ტემპერატურაზე 25-30 წუთის განმავლობაში. გამოცხობის შემდეგ კარგად გააციეთ. ვიდრე ბისკვიტი გაცივდება, მოამზდეთ კრემი: კვერცხის გულები შაქართან ერთად ათქვიფეთ, დაამატეთ ვანილი და ფქვილი. მიღებულ ერთგვაროვან მასას დაასხით მდუღარე რძე და კარგად გახსენით. შემდეგ დადგით დაბალ ცეცხლზე და მოხარშეთ ვიდრე არ გასქელდება. გაგრილების შემდეგ შეგიძლიათ შეათქვიფოთ 100 გ დარბილებული კარაქი ან ათქვეფილი ნაღები. შეგიძლიათ დაუმატოთ რომი. კრემი კარგად წაუსვით ბისკვიტს ზემოდან და გვერდებიც კარგად დაფარეთ. შოკოლადი გაადნეთ კარაქთან ერთად. მიღებული მინანქარი მოასხით ტორტს. მორთეთ მსხვილად გახეხილი შოკოლადითა და დაშაქრული ალუბლებით.