ფეისბუქის ხელმძღვანელმა, მარკ ცუკერბერგმა, უკრაინაში ფეისბუქის ოფისის გახსნასთან დაკავშირებით კომენტარი გააკეთა და უკრაინელების საჩივრებს, პოსტების უსამართლო ბლოკირებასთან დაკავშირებით, პასუხი გასცა.

“ეს არის ის, რაზეც კომპანიამ უნდა იფიქროს”, – აცხადებს ცუკერბერგი. მარკმა, ფეისბუქის უპირატესობად, ის ფაქტი დაასახელა, რომ სოციალურ ქსელს, მთელი მსოფლიოს მასშტაბით, ბევრი ოფისი არ აქვს და მისი თანამშრომლები ყველგან მიმოფანტულები არ არიან.

მარკ ცუკერბერგის აზრით, ფეისბუქის წარმომადგენლობის ახალი ოფისის გახსნას, იმ შემთხვევაში ექნება აზრი, თუ აღნიშნულ ოფისში, ის განყოფილებები განთავსდება, რომლებიც გაყიდვებითა და მარკეტინგით იქნება დაკავებული, – “თუმცა, ჩვენ რადგან გაფართოებას ვაპირებთ, ყველა შესაძლო ქვეყანას განვიხილავთ”.

ადრე, ცუკერბერგს, უკრაინის პრეზიდენტმა, პოროშენკომაც მიმართა, რომ უკრაინაში ფეისბუქის ოფიციალური წარმომადგენლობის ოფისი გახსნილიყო: “ქვეყანას სჭირდება ფეისბუქის უკრაინული წარმომადგენლობა”, – განაცხადა პოროშენკომ.

მარკ ცუკერბერგმა, უკრაინელი მომხმარებლების ჩივილსაც – პოლიტიკური მოტივების საფუძველზე პოსტების ბლოკვას – უპასუხა. ფეისბუქის ხელმძღვანელმა განაცხადა, რომ მსგავსი პოსტები ზედმეტად აგრესიულია და არღვევს ფეისბუქის სტანდარტებს: “ჩვენთვის მიუღებელია ტექსტის იs კონტენტი, რომელიც ღია აგრესიას, ეთნიკურ შეურაცხყოფასა და ძალადობისკენ მოწოდებას შეიცავს”, – აღნიშნა ცუკერბერგმა.